Saniscara Paing wuku Merakih, 25 Pebruari 2023 magenah ring Gedung TK Kertha Sari Kumara Desa Tampekan, Camat Banjar, I Made Mardika,SE., nodia lan mamungkah Parikrama Bulan Bahasa Bali V Tahun 2023, sane mapatitis/maunteng "SEGARA KERTHI: CAMPUHAN URIP SARWA PRANI" inggih punika altar Pemuliaan Bahasa, Sastra dan Aksara Bali untuk memaknai laut sebagai awal dan akhir kehidupan untuk melahirkan makhluk. Parikrama Bulan Bahasa Bali V punika karawuhin olih Manggala MDA Kec.Banjar, Perbekel lan perangkat desa Tampekan, Ketua TP PKK, Bandesa Adat, Kertha Desa, Klian Sabha Desa Tampekan, Kepala sekolah lan Guru TK, SD sejebag Desa Tampekan, Koordinator lan Angga Penyuluh Agama Hindu, koordinator KBS, taler manggala lembaga adat desa (LAD) lan lembaga kemasyarakatan Desa (LKD). Acara Bulan Bahasa Bali V Warsa 2023 kadagingin antuk wimbakara (lomba) Nyurat aksara bali pantaraning Sisya SD, Pidarta pantaraning Krama Yowana (prajuru Adat & Dinas) lan wimbakara Masatwa Bali pantaraning Krama istri (Pakis/PKK).

Camat Banjar, ring sambrama atur nguningayang Parikrama Bulan Bahasa Bali V punika kalaksanayang manut uger-uger/ilikita Pergub No 80 Tahun 2018 inggih punika Perlindungan dan Penggunaan Bahasa, Aksara dan Sastra Bali serta Penyelenggaraan Bulan Bahasa Bali, lan visi misi Bapak Gubernur Bali "Nangun Sad Kerthi Loka Bali"