CAMAT BANJAR MEMUNGKAH PARIKRAMA BULAN BAHASA BALI DESA GOBLEG
Redite Pon wuku Tambir, 26 Pebruari 2023 magenah ring Wantilan Desa Adat Gobleg, Camat Banjar, I Made Mardika,SE., nodia lan mamungkah Parikrama Bulan Bahasa Bali V Tahun 2023, sane maunteng "SEGARA KERTHI: CAMPUHAN URIP SARWA PRANI" inggih punika altarPemuliaan Bahasa, Sastra dan Aksara Bali untuk memaknai laut sebagai awal dan akhir kehidupan untuk melahirkan makhluk. Parikrama Bulan Bahasa Bali V punika karawuhin olih Manggala MDA Kec.Banjar, Perbekel lan perangkat desa Gobleg, Ketua TP PKK, Bandesa Adat, Kertha Desa, Klian Sabha Desa Adat Gobleg, Babinkamtibmas, Babinsa, Kepala sekolah lan Guru SD sejebag Desa Gobleg Koordinator lan Angga Penyuluh Bahasa Bali, taler manggala lembaga adat desa (LAD) lan lembaga kemasyarakatan Desa (LKD). Acara Bulan Bahasa Bali V Warsa 2023 kalaksanayang 2 (kalih) rahina ngawit tanggal 26 jantos 27 Pebruari 2023. Pinanggal 26 Pebruari 2023 kadagingin antuk wimbakara Pidarta Bahasa Bali pantaraning Prajuru Adat/Dinas, wimbakara nembang POP Bali pantaraning Yowana, pinanggal 27 Pebruari 2023 kadagingin antuk wimbakara Nyurat Aksara Bali pantaraning sisya SD, miwah wimbakara Masatwa Bali pantaraning Krama istri (Pakis/PKK).
Camat Banjar ring sambrama atur ngaturang rasa angayubagia lan suksma majeng Perbekel lan Bandesa Adat Gobleg sane sampun prasida ngemargiang Parikrama Bulan Bahasa Bali V manut uger-uger/ilikita Pergub No 80 Tahun 2018 inggih punika Perlindungan dan Penggunaan Bahasa, Aksara dan Sastra Bali serta Penyelenggaraan Bulan Bahasa Bali, lan visi misi Bapak Gubernur Bali "Nangun Sad Kerthi Loka Bali" taler mapiteket sumangdennya Parikrama Bulan Bahasa Bali sayan Warsa mangda nincap inggihan pamilet taler materi wimbakara manut uger-uger saking guru Wisesa.
